Chris Brown është duke planifikuar që ta befasojë të dashurën e tij Rihanna, e cila është në turneun e saj botëror, “Diamonds”.
Këngëtarja e cila është ribashkuar me Chrisin përkundër faktit se ai ende është në liri për kusht pas rrahjes brutale që i bëri asaj në vitin 2009, pritet që të befasohet nga i dashuri i saj, i cili mezi pret ta shohë atë.
“Ai po tenton që të kalojë kohë me të, ndërsa agjenda e tij është shumë e ngjeshur. Atij i mungoi Rihanna kur ishte në Los Angeles dhe më pas është dashur të shkojë në New York për disa punë”.
“Gjithë ajo që ai dëshiron për të është që t’i realizojë më së miri koncertet dhe të ketë kujdes për shëndetin. Kjo është gjëja numër një që ai dëshiron për të. Por, ai do të shkojë në një prej koncerteve të saj sa më shpejt që mundet. Ai do ta befasojë”, është shprehur një burim pranë Chrisit.
